လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မင်းဘူးခရိုင်ဦးစီးမှူးရုံးမှ တာဝန်ရှိသူများသည် (၂-၇-၂၀၂၄) ရက်နေ့တွင် မင်းဘူးမြို့၊ အမှတ် (၃) ရပ်ကွက်၊ အမှတ် (၄) ရပ်ကွက်၊ သစ်ချိုကုန်းရပ်ကွက်၊ သူဌေးကုန်းရပ်ကွက်တို့၌လည်းကောင်း၊ မင်းဘူး (စကု)မြို့နယ်၊ စကုမြို့၊ အမှတ်(၁) ရှမ်းစုရပ်ကွက်၊ မန်းကျင်းရပ်ကွက်၊ အမှတ် (၂) ရပ်ကွက်၊ အမှတ် (၃) ရပ်ကွက်၊ ဥယျာဉ်ဇင်ကျေးရွာ၊ သမထီးကျေးရွာ၊ စကုမြို့မဈေးနှင့် စကု၊ အ.ထ.က ကျောင်းရှေ့တို့၌ လည်းကောင်း ရေဘေးအန္တရာယ်သတိပေးခြင်းနှင့် ရေဘေးအန္တရာယ်နှင့်စပ်လျဉ်း၍ ဆောင်ရန်/ ရှောင်ရန်အချက်များအား ရပ်ကွက်အုပ်ချုပ်ရေးမှူးများ၊ ရပ်မိရပ်ဖများ၊ မီးသတ်တပ်ဖွဲ့ဝင်များနှင့်ပူးပေါင်း၍ ပြည်သူများသို့ အသိပညာပေးခြင်း၊ လက်ကမ်းစာစောင်ဖြန့်ဝေခြင်းလုပ်ငန်းများ ဆောင်ရွက်ခဲ့ပါကြောင်း သတင်းရရှိပါသည်။
#ar
#mgy_Jul2024
Source: မင်းဘူးခရိုင်ဦးစီးမှူးရုံး (ဘစမ)
